Ә.Қалымбетов

Ә.Қалымбетовты еске алуға арналған ашық облыстық турнир өтті  

      «Евразия» спорт кешенінде қызылордалық футболдың аты аңызға айналған Әбіл Арынұлы Қалымбетовты еске алуға арналған футзалдан ардагерлер арасында (+45) республикалық турнир өтті.

       А.Қалымбетов бүкіл футбол мансабын «Қайсарда» өткізіп, клуб сапында 22 маусымда 683 ойын өткізген. Абыл Арынұлы футболшы ретіндегі мансабын аяқтағаннан кейін «Қайсар» ФК бас бапкері, команда басшысы, спорт директоры болды.

       Бұл турнирге ең мықты сегіз ардагерлер командасы қатысып, жеребе тарту нәтижесінде екі топшаға бөлінді.

      Алдын ала ойындардан кейін жартылай финалдық жұптар; «Жаңақорған» - «Қайсар» және «Төретам» - «Отбасы банк». Қызықты кездесулердің нәтижесінде «Қайсар» мен «Отбасы банк» командалары финалға жолдама алды. Кіші жұбаныш финалында Жаңақорған мен Төретам үшінші орын үшін ойнады. Жаңақорған өңірінің футболшылары мықтырақ болып шықты.

        Финал сәтті өтті! Командалар сапында бір кездері А.Қалымбетовпен бірге футбол алаңына шыққан ойыншылар жарқырап көрінді.Бұлар Нұрлан Әбуов, Александр Морозов, ағайынды Марат пен Қайрат Сәрсеновтер, Берік Жаппасбаевтар және т.б. Өткір жекпе-жек «Отбасы банкі» командасының жеңісімен аяқталып, осылайша Қалымбетов кубогын жеңіп алды.

        Ұйымдастыру комитеті номинациялар бойынша үздік ойыншыларды анықтады:

                          қақпашы - Ердесов Кәрімбек (Отбасы банкі)

                          қорғаушы - Иристаев Шамшадин (Жаңақорған)

                          шабуылшы - Александр Морозов (Қайсар)

                          бомбардир – Тұрсынқұлов Бахтияр (Жаңақорған)

                          ойыншы - Жаппасбаев Берік (Отбасы банкі)